Aktoret janë mësuar të pyeten në tapetin e kuq për detaje intime të veshjes, por për komedianen Amy Schumer nuk ka asnjë detaj veshje që është shumë private për t’u ndarë.
Pyetja “klasike” që pritet t’u bëhet aktorëve nga gazetarët është: “Çfarë keni veshur?”. Zakonisht edhe përgjigja është po aq “klasike” sa edhe pyetja, pasi aktorët rendisin në përgjigjet e tyre emra stilistësh të famshëm.
Aktorja 35-vjeçare zbuloi për gazetaren Giuliana Rancic të E!News një detaj shumë të fshehtë lidhur me veshjen e saj në ceremoninë e ndarjes së çmimeve.
Ajo jo vetëm që tregoi për fustanin Vivienne Weestwood dhe këpucët Tom Ford, por i bëri edhe një reklamë të bujshme tamponit. “Kam veshur një fustan Vivienne Westwood, këpucë Tom Ford dhe një tampon OB. Periodat nuk pyesin, ato vijnë edhe gjatë Çmimeve Emmy”, tha Schumer duke thyer kështu një tabu për të folur mbi menstruacionet në një ngjarje të tillë.
*Shfleto glaerinë
Burimi: Daily Mail
