Kaley Cuoco mund të ketë pasur martesën e saj të ëndrrave, por muaji i saj i mjaltit është shndërruar në një makth.
Ylli i serialit “The Big Bang Theory”, 32 vjeç, ka zbuluar se i është nënshtruar operacionit në shpatulla, pesë ditë pas martesës.
Aktorja ka postuar një foto në Instagram, ku shfaqet e shtrirë në spital, por ajo që na bën të çuditemi është fytyra e qeshur, e bashkëshortit Karl Cook.
“Kur ‘muaji i mjaltit’ përfundon me kirurgji në shpatulla dhe burri duket po aq i lumtur në rrugën drejt shërimit – faleminderit për gjithë dashurinë dhe mbështetjen!”.
Cuoco dhe partneri i saj janë bashkë që prej vitit 2016 dhe janë fejuar për ditëlindjen e aktores vitin e kaluar.
