Nuk e dimë nëse është frymëzuar në filmin e saj të fundit, “Colette”, një dramë e bazuar në luftën për të sfiduar normat gjinore të shekullit të 20-të, por Keira Knightly dëshiron që vajza e saj të ndjekë hapat e saj dhe të bëhet heroinë e vetvetes.
Aktorja e njohur e Hollivudit zbuloi se ia ka ndaluar vajzës 3-vjeçare të shohë dy filma vizatimorë shumë të dashur për fëmijë, klasikët e Disney-t, “Hirushja” dhe “Sirena e Vogël” sepse personazhet aty, pra femrat shpëtohen nga burrat.
Gjatë intervistës së saj me Ellen të hënën, ylli i ekranit, 33 vjeç, këmbënguli se ajo do të mbështeste vajzën e saj në ‘çdo gjë që dëshiron të bëjë’ me karrierën e saj të ardhshme.
Megjithatë ajo tha me krenari se ia ka ndaluar vajzës të shohë “Hirushen”, sepse filmi flet për një vajzë që pret një djalë të pasur të vijë ta shpëtojë.
“Ajo gjithashtu e ka të ndaluar të shohë “Sirena e vogël”! Mos e humb zërin për një burrë! Megjithëse me pëlqejnë këngët e filmit”, tha aktorja.
