Puna e një aktori nuk është aq e thjeshtë sa mund ta mendoni, ndërsa shpesh vihet jeta e tyre në rrezik. Rasti i Drew Barrymore është ndryshe, pasi nuk përfshinte ndonjë skenë të rrezikshme, por një lëvizje e gabuar për pak i kushtoi rëndë aktores.
Barrymore zbuloi incidentin që thuajse i mori jetën, teksa po luante një skenë që shkoi shumë keq. “Ishte diçka e tmerrshme”, ka thënë fituesja e “Golden Globe” në një intervistë të dhënë për “Us Weekly”.
Barrymore, e cila luante rolin e Sheila, një agjente e pasurive të paluajtshme nga Kalifornia, e cila shndërrohet një zombi, përfundoi dy ditë në spital në qershor të vitit 2016, si pasojë e incidentit.
Teksa po tentonte të hidhej sipër një burri për ta vrarë, ajo është rrëzuar dhe ka goditur kokën e saj në një dysheme betoni, rrëzim që i shkaktoi asaj një dëmtim të tru.
“Ishte tepër serioze. Nuk kisha kaluar një gjë të tillë asnjëherë në jetën time”, shtoi aktorja 41-vjeçare.
Falë kujdesit të mjekëve, Drew mundi t’i dilte dhe pas 1 jave iu rikthye xhirimeve.
Burimi: Us Weekly
