Aktorja e njohur Niada Saliasi ka preferuar që gjithmonë të shfaqet para publikut me arritjet e saj profesionale, ndërsa jetën personale preferon ta mbajë larg syri të publikut.
Mbrëmjen e djeshme ajo ishte e ftuar në emisionin “Top Arena” ku tregoi se falë punës dhe përkushtimit të saj të vazhdueshëm ka arritur të rritet profesionalisht dhe sot numëron një numër të madh rolesh në teatër.
Mirëpo Niada nuk i shpëtoi dot edhe një pyetjeje për jetën e saj private. Moderatori i emisionit e pyeti se kur ajo do të vendosë t’i thotë “PO” martesës.
“Kur të jem e dehur..” , tha Niada duke qeshur dhe shtoi se është një moment budallallëku ai që të çon në një vendim të tillë.
Ndërkohë aktorja u pyet nga Manushi edhe nëse ajo e ka gati apo jo personin që do t’ia bëjë këtë pyetje.
“Jo, nuk është akoma…”, tha Niada duke zbuluar se me shumë mundësi ajo momentalisht nuk është në një lidhje.
