Aktorja e famshme e serialit “That’s so Raven”, Raven Symone, i ka dhënë fund beqarisë në moshën 34-vjeçare.
Ajo dhe partnerja e saj, Miranda Maday, i thanë “Po” njëra-tjetrës, ndërsa lajmin e bukur aktorja e ndau në rrjete sociale.
Raven publikoi një foto romantike me Miranda-n, teksa të dyja shfaqeshin të buzëqeshura ndërkohë që përqafoheshin.
Kjo ishte një ndër ditët më të lumtura për 34-vjeçaren, e cila i ka dedikuar fjalë të ëmbla partneres së zemrës.
“U martova me një grua që më kupton nga hidhërimi në gëzim, nga mëngjesi në mesnatë, nga skena në shtëpi. Të dua Znj. Pearman-Maday! Jemi të martuara tani”- shkruan ajo krahas fotos.
https://www.instagram.com/p/CBlPtkLD4F-/
Për shkak të emergjencës Covid-19, dy vajzat kanë mbajtur një ceremoni modeste me shumë pak njerëz, të veshura me kostumin e zi dhe fustanin e bardhë të nusërisë.
Më herët, Raven ishte në një lidhje dashurie me modelen AzMarie Livingston, lidhje e cila zgjati nga viti 2012 në vitin 2015.
