Shtatzënia e saj u zbulua vetëm kur ishte në javët e fundit dhe ende nuk është mësuar dita e saktë, kur fëmija e tyre erdhi në jetë.
Rachel McAdams u bë nënë për herë të parë, pasi mirëpriti me të dashurin Jamie Linden, një djalë.
“Hollywood Pipeline” publikoi një foto të çiftit duke mbajtur foshnjën, i cili nuk dihet me saktësi se kur ka lindur.
Mediat raportuan në shkurt se, aktorja 39-vjeçare ishte shtatzënë. McAdams e ka mbajtur jetën personale private, pasi u pa për herë të parë me shkrimtarin e “Dear John”, Linden, në prill të 2016-s. Lidhja e tyre u konfirmua vetëm në qershor të po të njëjtit vit.
Aktorja prej kohësh nuk shfaqej në publik apo në evenet e tapetit të kuq, që prej shtatorit të 2017-s, duke shtuar dyshimet e shtatzënisë.
Në 2009-n ajo u shpreh për “People” se, mezi priste të bëhej nënë:
“Të kem një fëmijë do të ishte e mrekullueshme”.
Ylli i “Hollywood”-it bëri publike në vitin 2003 romancën me aktorin Ryan Gosling, me të cilin ka luajtur filmin “Notebook”. Lidhja e tyre përfundoi pas 4 vitesh, në 2007-n.
Më pas Rachel McAdams pati një lidhje rreth 3-vjeçare me aktorin Michael Sheen, në periudhën 2011 – 2013.
Burimi: Daily Mail
