Ajo është e suksesshme, grua e pavarur, e cila ka marrë famë ndërkombëtare falë aktrimit në filmat “The Princess Diaries” dhe “The Devil Wears Prada”.
Por 34-vjeçarja Anne Hathaway nuk ndihej e kompletuar derisa takoi bashkëshortin e saj Adam Shulman.
“Ai ndryshoi aftësinë time për të qenë komode në botë. Mendoj se shprehja e pranuar është që, tani ne si femra nuk kemi nevojë për askënd. Por unë kam nevojë për bashkëshortin tim. Dashuria e tij unike dhe specifike më ka ndryshuar”, shprehet Anne për revistën “Elle”.
Aktorja e cila është martuar me Shulman prej 4 vite, u shfaq së fundmi në “OKB” për Ditën Ndërkombëtare të Gruas për të luftuar për pushimet e paguara prindërore në SHBA. Ajo tha se u pasionua më shumë pas kësaj teme, pas lindjes së djalit të saj Jonathan Rosebanks.
“Kur Johnny ishte vetëm 1-javësh dhe unë e mbaja në krah dhe isha në qiellin e nëntë, papritur mendova, “Faji i nënës është i pakuptimtë”. Ne inkurajohemi të gjykojmë njëri-tjetrin, por duhet ta kthejmë fokusin te njerëzit dhe institucionet që duhet të jenë duke na mbështetur, por nuk po e bëjnë këtë gjë”, tha aktorja.
Burimi: Elle
