Një fundjavë tragjike ka kaluar familja e një prej aktorëve më të njohur turk, Engin Ozturk.
30-vjeçari i cili luan në telenovelat e njohura për shqiptarët si, “Fatmagyl” apo “Sulltani i Madhërishëm”, ka humbur motrën e tij, Berrin Ozturk, avokate, pas një ataku në zemër.
Aktori së bashku me të motrën 44-vjeçare ndodheshin përpara gjykatës, kur papritur është rrëzuar para këmbëve të tij.
Motra e aktorit ndërroi jetë gjatë rrugës për në spital. Kujtojmë se Engin është një personazh mjaft i njohur për publikun shqiptar, ai ka interpretuar në disa seriale , si: “Cili është faji i Fatmagul?” “Sulejmani i Mashërishëm”, dhe se fundi në serialin i cili sapo ka nisur, ‘Shoqëri e lartë’, ku 30 vjeçari interpreton rolin e personazhit kryesor të serialit.
