Pak kohë pasi u dhunua pranë banesës së tij, aktori shqiptar Laert Vasili, ka rënë pre e një tjetër incidenti. Automjeti i tij është përfshirë nga flakët mbrëmjen e së martës.
Ngjarja ndodhi pranë Tregut Elektrik, rreth orës 23:00, kur Laerti sapo kishte parkuar makinën, shkruan Tv Klan. Burime nga policia e Tiranës bëjnë të ditur se dyshohet që shpërthimi ka ndodhur si pasojë e një defekti elektrik në automjet.
Ky është incidenti i dytë për Vasilin, pasi kohë më parë ai ra pre e dhunës, kur sapo kishte dalë nga banesa e tij, në rrugën “Shyqyri Ishmi”. Një person i paidentifikuar e goditi me grusht pas koke, pro në atë kohë ai deklaroi se nuk kishte konflikt me ndonjë person. Policia po vijon hetimet.
