Ai është një ndër aktorët më të njohur të kinematografisë turke dhe një ndër të preferuarit edhe në Shqipëri.
Can Yaman është bërë i njohur te ne me serialin “Erkenci Kus” që transmetohet në Tring, dhe për faktin se e ka origjinën shqiptare.
Aktori turk ka prejardhje nga Prishtina dhe këtë e ka zbuluar vetë kohë më parë. Ai madje ka treguar edhe ushqimet tradicionale shqiptare që i pëlqejnë.
Në një intervistë të realizuar në emisionin “Qejfi më i madh se Stambolli” Can ka treguar fiksimin e tij pas ushqimeve shqiptare.
“Ka lidhje me çka rritesh dhe shijen e asaj vazhdon të shijosh edhe më vonë. Unë ushqimet e gjyshes nuk i ndërroj me asgjë. Ajo bën një byrek që zgjat 3 orë. I hap vet petat. Bën burek me presh. E bën aq të mirë sa të lëpish gishtat. Bën pogaçe me kos, hudhëra, salsa, mishin e bën copa copa. Janë ushqime të veçanta nuk i provojnë të gjithë”, tha Can.
E kujt ia merrte mendja se Can vdes për byrek me presh!
