Aktori i njohur shqiptar, që po korr sukses jashtë kufijve tanë, Marko Caka, është bërë pjesë e videoklpit të njërit prej këngëtarëve më të njohur kolumbian J Balvin.
Caka ka njoftuar përmes Instagramit, se do të shfaqet në klipin më të ri të këngëtarit që po korr sukses me hitin e tij “Mi Gente”.
Sikur të mos mjaftonte që do të dalë në klip, Marko Caka, shkruan se J Balvin është shoku i tij më i mirë. Dyshja me sa duket qenkan miqësuar gjatë xhirimeve.
“Ishte e mrekullueshme të punoja me këtë njeri të mahnitshëm @ jbalvin që u bë shoku im më i mirë. Unë dua ta falënderoj atë dhe @anitta që më bënë pjesë në videot e tyre të mrekullueshme muzikore që do të jenë shumë të suksesshme me miliarda shikime”.
Aktori është bërë pjesë e një sërë projekteve ndërkombëtare, përfshi këtu edhe kastin e filmit të ri të regjisorit Woody Allen, “Shi në muzeum”, pjesë e të cilit do të jenë Selena Gomez, Jude Law, Elle Fanning dhe shumë të tjerë.
Këtij kasti të mrekullueshëm i është shtuar edhe emri i aktorit shqiptar, Marko Caka, i cili ka korrur mjaft sukses në Hollywood.
