Aktori i njohur Laert Vasili është dhunuar në mes të Tiranës nga një person ende i paidentifikuar. Sipas policisë, ngjarja ka ndodhur mbrëmjen e djeshme në rrugën “Shyqyri Ishmi” ku një kalimtar e ka goditur me grusht në kokë.
Vetë aktori ka bërë denoncim në Komisariatin Nr. 1, ku ka deklaruar se nuk e ka njohur personin që e ka qëlluar. Ai ka pohuar se nuk ka konflikte me askënd. Policia ka nisur menjëherë hetimet ndërsa vetë aktori nuk është ndjerë mirë që lajmi është publikuar në media.
I pyetur nga Balkanweb për incidentin, aktori ka thënë: Ky është informacion personal, nëse doni mund të flas për shfaqjen”.
