Kivanç Tatlıtuğ është një ndër aktorët më të suksesshëm të kinematografisë turke. Ai është bërë i njohur në vendin tonë me rolet e Mehmetit, Halilit, Behlulit, Kuzey-t, Kurtit dhe Xhesurit.
I konsideruar si Brad Pitt i Turqisë, Kivanç ka fituar simpatinë dhe dashamirësinë e publikut femëror jo vetëm falë aftësive të tij aktoriale, por edhe bukurisë së tij.
Mirëpo aktori i suksesshëm ka habitur të gjithë me pamjen e tij të fundit. Ai është fotografuar para disa ditësh në një qendër tregtare dhe ajo ç’ka binte menjëherë në sy ishte look-u i tij i ri: pa mjekër, por vetëm me mustaqe.
Duke qenë se Kivanç u pa në shoqërinë e producentit Kerem Catay, të gjithë janë të mendimit se aktori po përgatitet për një projekt të ri.
