Mesa duket festa e Ditës së Shën Valentinit ka mbërritur më herët këtë vit për komedianin Nick Cannon. Me anë të një postimi në rrjetin e tij social “Instagram”, ai ka ndarë me ndjekësit e tij ‘dhuratën’ që ka marrë për ditën e të dashuruarve. Nick postoi një foto teksa qëndronte pranë një makinete me prezervativë. Ai e shoqëroi foton me një mbishkrim me nota humori:
“Epo mesa duket dikush më ka dërguar dhuratën për Ditën e Të Dashuruarëve edhe pse para kohe. Makinetë plot me “Magnums”- u shpreh Nick me disa fytyra të qeshura.
Aktori i njohur 41-vjeçar, së fundmi ndau lajmin se do të bëhej sërish baba duke pritur kështu fëmijën e tij të tetë me modelen Bre Tiesi. Lajmi erdhi disa javë pas ndarjes nga jeta të djalit të tij 5 muajsh, Zen, i cili humbi jetën tragjikisht nga tumori në tru.
Ylli i “Wild ‘N Out” ka bërë të ditur se terapisti i tij i ka rekomanduar të vazhdojë jetën e tij seksuale i lirë pa qenë nevoja të martohet pasi ndau lajmin se e dashura e tij Tiesi ishte shtatzënë.
“Kjo ishte arsyeja përse po ndiqja këtë rrugë. Nuk doja të martohesha, por njëkohësisht të mos ndërprisja jetën time seksuale edhe pse ndonjëherë e ndjeja se po më dilte situata jashtë kontrollit.”-u shpreh aktori.
Rikujtojmë se Nick Cannon është baba i shtatë fëmijëve me katër gra të ndryshme. Ai ndan dy binjakë me këngëtaren e njohur Mariah Carey, një djalë dhe një vajzë me Brittany Bell, sërish dy binjakë me Abby de la Rosa, një djalë me modelen Alyssa Scott, i cili ndërroi jetë së fundmi dhe tashmë po pret fëmijën e tij të tetë me Bre Tiesi.
