Nick Cannon ka njoftuar në emisionin e tij se po do të lindë fëmija i tij të tetë, në më pak se dy vjet.
“Siç e dinë të gjithë, unë kam shumë fëmijë dhe i dua të gjithë ata shumë, sinqerisht,” -u shpreh Cannon. “Secili nga fëmijët e mi është po aq i veçantë sa tjetri”.
Cannon dhe Tiesi, partnerja e tij aktuale, u fotografuan së bashku gjatë një feste për fëmijën e tyre gjatë fundjavës.
Në fotot e publikuara nga “TMZ”, të dy shfaqen të përqafuar. Tiesi është divorcuar së fundmi nga qendërmbrojtësi i NFL-së, Johnny Manziel.
Rikujtojmë se, Cannon dha lajmin e trishtë të humbjes së fëmijës së tij më të vogël në dhjetor, i cili ndërroi jetë në pesë muajsh për shkak se vuante nga kanceri i trurit.
Të hënën Cannon tha se ai ishte në dijeni të shtatzënisë së Tiesi-t para vdekjes së djalit të tij dhe ata vonuan të shpallnin lajmin.
Ai gjithashtu adresoi disa nga kritikat që ka marrë për faktin që ka bërë kaq shumë fëmijë dhe për këtë e kanë quajtur “të pakujdesshëm”, “të papërgjegjshëm” dhe “egoist”.
“Pa dyshim që më prekin, sepse jam qenie njerëzore”, tha ai.
Cannon bëri bujë vitin e kaluar pasi ai mirëpriti katër fëmijë brenda 14 muajve. Ai është baba i shtatë fëmijëve me katër nëna, duke përfshirë binjakët 10-vjeçarë që ndan me ish-bashkëshorten e tij, këngëtaren Mariah Carey
