Ai ka qenë një emër i njohur i ekranit shqiptar dhe sot e kujtojmë me rolet e tij në “Tingujt e vendlindjes” apo “Sofra Gjakovare”. Bëhet fjalë për aktorin Abedin Morina, i cili prej vitesh e ka braktisur aktrimin dhe sot punon taksist.
Në një intervistë për “Dukagjini sot”, Abedini tregoi se si u bë aktor dhe se çfarë mendimi ka për humorin që bëjnë aktorët në ditët e sotme.
“Ishte iniciativa e shokëve të mi që të bëhesha aktor. Ata e shihnin se kisha talent. Kam bërë shumë role. Nuk di kë të veçoj. Kam pasur një stil që të tjerët nuk mundeshin. Unë qaja shumë lehtë, njerëzit mendonin se po qaja me të vërtet. Sot humori është bastarduar”, rrëfeu Morina.
Ai zbuloi gjatë intervistës se jeta i ka detyruar që të braktisë aktrimin dhe të punoj si taksist.
“Prej dy vitesh punoj rregullisht taksist, ça të bëjmë. Edhe pse sot jam taksist në shpirt e kam humorin”, u shpreh aktori.
