Ai është një nga aktorët më të mëdhenj të teatrit dhe ekranit shqiptar, por kurrë më parë Reshat Arbana nuk kishte festuar ditëlindjen e tij. Para 3 ditëve nën organizimin e Bashkisë së Tiranës, Arbana ka festuar për të parën herë ditëlindjen e tij dhe mbushi plot 78 vite jetë, shkruan “Tirana Post”.
“Asnjëherë nuk i kam festuar përvjetoret sepse nuk i dua. Më krijojnë emocione të mëdha, por sonte po më duket krejt ndryshe. Për burrin qenka trimëri e madhe të bëhet 78 vjet, e të eci për të 80-tat, por na qenka edhe mjerim i madh, kur mendon se ku do iki pas këtyre viteve që po kalojmë. Po ishallah në atë dynja, do shkojmë tek ai vendi i mirë, jo tek ai i keqi atje. Faleminderit shumë, ju jam shumë mirënjohës, jashtëzakonisht faleminderit. Kam emocione shumë, më besoni, që kam shumë emocione. Por ju falënderoj shumë me gjithë zemër dhe ua shpërblefsha të gjithëve në gëzime, në festa, nëpër familjet tuaja”- u shpreh aktori Arbana.
Në festimin e tij ishin të ftuar miq e të afërm, por edhe figura të politikës si Erion Veliaj dhe Mirela Kumbaro.
Burimi: Tirana Post
