Aktori i njohur i humorit, Gentian Zenelaj ka surprizuar një vogëlush me rastin e ditëlindjes së tij.
Genti ka marrë një tortë gjigante në dorë dhe ka shkuar në klasën e Sonit, mikut të tij më të mirë 10-vjeçar dhe e ka befasuar.
“Surprizë për një shokun tim të vjetër ..ai vërtetë bën 10 vjeç por jemi shokë prej kohësh. EDHE 100 SONI”, shkruan aktori në profilin e tij në Instagram, ku ka publikuar videon prekëse.
Vogëlushi i cili është me sindromën Down, vjen menjëherë për ta përqafuar Gentin, ndërsa ndalet fillimisht para tortës me superheroin e preferuar Spiderman, për të fikur qirinjtë.
Fëmijët me sindromën Down njihen si fëmijë shumë të dashur dhe falin përqafime dhe puthje pa kushte.
I urojmë Sonit shumë vite të lumtura!
