Aktori i njohur nga Kosova Sevdai Radogoshi së fundmi ka qenë i ftuar në emisionin “Gjesi”, prej ku ka folur për arritjet në profesionin e tij, por jo vetëm.
Gjatë intervistës ai ka përmendur dy nga këngëtaret më të njohura shqiptare, Adelina Ismailin dhe Bleona Qeretin.
Këto të fundit kanë shënuar suksese të shumta në karrierën e tyre në fushën e muzikës si edhe në fushën e aktrimit gjithashtu.
Mirëpo sipas aktorit të njohur, Adelina Ismaili është një aktore shumë e mirë, por për të kënduar di pak.
Ndërsa për Bleona Qeretin e cila prej kohësh është larguar nga Shqipëria për të jetuar në SHBA, ka pohuar që nuk di të këndojë fare: “Adelina Ismaili është aktore shumë e mirë. Kur e kam thirr me lujt (të aktrojë) Adelina Ismaili më thoshte që nuk di me lujt, dhe unë i thashë, ti di të luash shumë mirë, me këndu di pak ti. Po ashtu i kam thënë edhe Bleona Qeretit. Unë i kam pas thënë pse nuk luan ti, po këndon. Ajo nuk di me këndu. Ti je aktore i kam thënë!”
Kjo realisht mund të konsiderohet si një deklaratë e fortë dhe ndërkohë pritet edhe ndonjë reagim i mundshëm nga ana e këngëtareve.
