Pasha Lee, një aktor 33-vjeçar ukrainas, u vra në Irpin, ndërsa Rusia vazhdon pushtimin e saj në vendin e Evropës Lindore.
Sipas raporteve lokale dhe llogarisë së “Facebook” të Festivalit Ndërkombëtar të Filmit në Odesa të Ukrainës, ylli i filmit u bashkua me radhët e Forcave të Mbrojtjes Territoriale të Forcave të Armatosura të Ukrainës për të mbrojtur vendin nga pushtuesit rusë.
Ai u vra si rezultat i granatimeve nga pushtuesit rusë, thanë organizatorët e festivalit.
Në postimin e fundit të Lee në “Instagram” të premten, ai ishte në Irpen i veshur me veshje kamuflazhi ku shkruante:
“Këto 48 orët e fundit egziston një mundësi të ulemi e të bëjmë nje foto se si po na bombardojnë, ne po buzëqeshi, sepse do t’i përballim të gjitha dhe çdo gjë do të jetë UKRAINË. Ne po punojmë!”
Aktori ishte gjithashtu këngëtar dhe prezantues televiziv, si dhe ka bërë dublimin e zërit për versionet ukrainase të filmave si “The Hobbit” dhe “The Lion King”.
“Neë York Times” raportoi se të dielën, forcat ruse hodhën predha mortajash në një urë në Irpin që po përdorej për të evakuuar njerëzit nga zona, duke vrarë të paktën katër civilë.
Sulmi i Rusisë ndaj Ukrainës vazhdon pasi forcat e tyre filluan një pushtim në shkallë të gjerë më 24 shkurt.
