Përfaqësues të shoqërisë civile dhe Sindikata e Artistëve të Skenës kanë protestuar sot para Parlamentit, ku po shqyrtohej dekreti e presidentit Ilir Meta, që i hap rrugë shembjes se godinës së Teatrit Kombëtar.
Por gjatë protestës ndodhi një incident. Sindikata e Artisteve të Skenës bën me dije se persona të panjohur kanë fyer sot para Teatrit, dy nga aktoret e njohura të teatrit shqiptar dhe të ekranit, Yllka Mujon dhe Eva Alikajn.
Sindikata kërkon respektimin e çdo pikëpamje të artistëve shqiptarë, pasi incidenti thuhet se lidhet me heshtjen e dy aktoreve ndaj shembjes së Teatrit Kombëtar.
Reagimi i Sindikatës së Artisteve të Skenës
Persona të panjohur kanë fyer sot pranë Teatrit Kombëtar aktoret e shquara Yllka Mujo dhe Eva Alikaj me fjalor vulgar.
SASE proteston ndaj çfarëdo cenimi të dinjitetit të cilitdo artist, pavarësisht shkaktarit dhe shkakut. Artistët, pavarësisht qëndrimeve të tyre publike, janë qytetarë dhe duhen respektuar si të tillë.
