Në Ibiza, dy anëtarë të grupit Futuro Vegetal hynë fshehurazi në ambientet e shtëpisë së Mess-it dhe lanë bojë të zezë dhe të kuqe në mur.
Më pas ata fotografuan veten para shtëpisë, që ndodhet në komunën e Sant Josep de sa Talai.
Aktivistët thanë: “Prona është një ndërtim pa leje që futbollisti e ka fituar për shifrën e tepruar prej 11 milionë eurosh”.
Messi e bleu pronën në vitin 2022 kur nuk kishte një certifikatë përfundimtare të punës nga këshilli i qytetit të Sant Josep ose certifikatë banimi nga këshilli i Ibizës.
Fushata vjen nga grupi aktivist “Futuro Vegetal”. Lionel Messi u rrit në rrethana të thjeshta në Argjentinë. Nëna e tij ishte një pastruese dhe babai i tij ishte një punëtor fabrike. Ai fitoi pasurinë e tij aktuale prej rreth 550 milionë eurosh përmes talentit, stërvitjes së vështirë dhe përkushtimit për të luajtur futboll. Por për aktivistët spanjollë të klimës, Messi është në anën e gabuar të shoqërisë.
Ylli i futbollit tashmë po përpiqet të gjejë një zgjidhje për problemin. Avokatët e tij janë në kontakt me autoritetet spanjolle.
