Reperi i njohur G-Bani është përballur me një të papritur. Mësohet se ai është aksidentuar në Angli. Nëpërmjet një videoje në TikTok, ai bën me dije se ka bërë dy operacione.
G-Bani thekson se dikush e ka përplasur qëllimisht me makinë dhe shton se për pasojë ka thyer këmbën.
“Kam bërë aksident në Fulham. Dikush më përplasi qëllimisht me makinë dhe më theu këmbën. Kam bërë dy operacione. Ndërkohë që unë jam në shtrat dhe nuk lëviz dot, ai që më përplasi është i lirë. Policia thotë se nuk kanë prova që e bëri ai aksidentin…E di që në Angli nuk u intereson shumë. Kur morën vesh që isha shqiptar, nuk më pranuan as dëshmitarët. Duhet të ndalojë kjo urrejtja ndaj shqiptarëve. Aksidenti ka ndodhur në Fulham më 22 qershor. Dëshmitarët nuk merren parasysh, se thanë që ngaqë janë shqiptarë edhe ata si unë, i kam shokë edhe nuk mund të merren për bazë,”– shprehet ai ndër të tjera.
Më herët, ai ka qenë i ftuar në programin “Më lër të flas”, ku foli për jetën e tij personale dhe atë profesionale.
“Unë nuk jam as i lidhur as i martuar. Nuk jam bosh. Kam ndjenjat e mia për njerëz që i dua i dashuroj por nuk i bëj publike. Për sa i përket suksesit me femra, suksesin që ke ti unë nuk e kam ta dish.”- tha ai teksa ngacmoi edhe Donald Veshajn gjatë deklaratës së tij.
