Mehdi Malkaj dhe Aurela Hoxha i kanë dhënë fund konkurrimit të tyre në “Dance with Me”. Ky largim i tyre ka ardhur si rezultat i një lëndimi në gju që ka pësuar Malkaj gjatë përgatitjes intensive të koreografisë.
Pavarësisht ndërhyrjes së mjekëve ishte i pamundur rikuperimi në një kohë të shkurtër, duke kushtëzuar kështu pjesëmarrjen e tyre në këtë spektakël të kërcimit.
Aktori i skenës dhe teatrit duhet t’i nënshtrohet një ndërhyrjeje kirurgjikale për të rregulluar dëmtimin që i është shkaktuar.
Malkaj është ndjerë fajtor ndaj Aurelës që e “detyroi” ta linte garën në mes dhe ka bërë një video mesazh për të.
“Mikja ime më e mirë, partnerja ime e shkëlqyer, të kam shumë xhan. Të dua shumë. Më vjen keq që e ndërpret këtu sfidën, por nuk kam çfarë të bëj, është defekt fizik. Të uroj shumë suksese, rrugë të mbarë në fusha të tjera, në rrugën tënde, në punën tënde, në ëndrrat e tua. Të dua shumë.”, ka thënë Malkaj në video-mesazhin që u transmetua dje mbrëmë në spektaklin “Dance with Me”.
Mjekët kanë siguruar se aktori simpatik do të rikuperohet shumë shpejt dhe nuk do të ketë asnjë problem me gjurin.
