Ditën e sotme këngëtari i njohur turk Ibrahim Tatlises është aksidentuar mëngjesin e sotëm në Bodrum. Ngjarja ka ndodhur mëngjesin e sotëm teksa artisti ka qenë në makinë me tre persona të tjerë.
Raportohet se aksidenti i këngëtarit ka ndodhur si pasojë e tokës së rrëshqitshme dhe motit të keq. Automjeti i tij doli jashtë kontrollit dhe u përplas me një kamion duke përfunduar mbi shkëmbinj.
Tatlises ishte pjesë e një koncerti këtë mbrëmje dhe ishte rrugës për në ambientet ku do të mbahej koncerti, por dyshohet se si pasojë e motit të keq dhe rrugës së lagur, është përplasur me një kamion dhe më pas ka dalë nga rruga.
Pas aksidentit mjeti u përfshi nga flakët, por ndërhyrja e qytetarëve me ujë, ka bërë të mundur fikjen e tij duke i shpëtuar jetën artistit.
Artisti ka mbetur i bllokuar në mjet. Tatlises ka qenë i vetëdijshëm gjatë gjithë kohës, madje mësohet se ai i ka thënë forcave të shpëtimit:“Më nxirrni që këtu me vinç bashkë me makinën, dhe më pas më nxirrni mua nga makina”
Pas disa orësh përpjekje, Ibrahimi është nxjerrë nga mjeti dhe më pas është dërguar në mënyrë urgjente në spital ku ndodhet nën kujdesin e mjekëve.
U tha se në makinë udhëtonte vajza e tij, por ish-bashkëshortja e këngëtarit tha se vajza ndodhej në shtëpinë e tezes së saj.
