Asnjë nga 62 pasagjerët në avionin që u rrëzua në Vinhedo të Sao Paulos në Brazil, nuk i mbijetoi aksidentit. Lajmi u bë i ditur nga presidenti Inazio Lula Da silva, i cili ka shpallur tre ditë zie kombëtare.
Avioni humbi rreth 5 kilometra lartësi në me pak se 2 minuta dhe u rrëzua në kopështin e një shtëpie, ku ndodheshin tre persona që fatmirësisht mbeten të padëmtuar.
Të dhënat e sherbimit suedez që monitoron fluturimet në kohë reale, tha se se avioni u ngrit në oren 11:56 dhe u rrëzua në oren 13:22. Por në këtë udhëtim tragjik, jo të gjithë ata që duhet të udhëtonin kishin arritur të hipnin në avion, pasi kishin mbërritur me vonesë.
Momenti i rrëzimit të aeroplanit të pasagjerëve është parë nga banorët e zonës.
“Kur dëgjova zhurmën e rënies së avionit, pashë nga dritarja e shtëpisë sime dhe pashë momentin kur u rrëzua”, tha Felipe Magalhaes për agjencinë e lajmeve Reuters, duke shtuar se pamja e kishte lënë atë “të tmerruar”.
Një tjetër banore, Nathalie Cicari, tha për CNN Brasil se ajo kishte qenë duke ngrënë drekë kur dëgjoi një “zhurmë shumë të fortë shumë afër”, duke e përshkruar atë si zhurmën e një droni, por “shumë më të fortë”.
‘Dola në ballkon dhe pashë aeroplanin duke u rrotulluar. Brenda pak sekondash kuptova se nuk ishte një lëvizje normale për një avion”.
Ky është aksidenti më i rëndë i avionit në Brazil që nga viti 2007, kur një aeroplan TAM Express u rrëzua dhe shpërtheu në flakë në aeroportin Congonhas të São Paulo, duke vrarë 199 njerëz.
