Brazili u trondit disa ditë më parë, pasi një avion u rrëzua në tokë dhe gjetën vdekjen në mënyrë tragjike 62 persona, 58 pasagjerë dhe 4 anëtarë të ekuipazhit. Për fat të keq asnjëri nuk mundi t’i mbijetonte këtij aksidenti të rëndë dhe tani është bërë e mundur nxjerrja e trupave të viktimave nga rrënojat e avionit.
Trupat e 35 meshkujve dhe 28 femrave u dërguan në një morg në qytetin e São Paulo, ku do të identifikohen dhe do t’u jepen familjeve. Dy nga viktimat, piloti dhe bashkëpiloti tashmë janë identifikuar. Kapiteni Danilo Santos Romano, 35 vjeç, ishte viktima e parë e identifikuar.
Anëtarët e familjes do të qëndrojnë në një hotel në qytet për të ndihmuar në identifikimin e viktimave. Për identifikimin e trupave ekipet po mbështeten në një numër faktorësh. Këtu përfshihen dokumentet dhe pozicioni i trupave në lidhje me ndenjësen, si dhe telefonat celularë të gjetur pranë disa prej viktimave.
