Gjykata e Tiranës ka caktuar masën arrest me burg për Rozina Kolecin, e cila shkaktoi aksidentin e 8 gushtit në Kodër Kamzë.
Si pasojë e aksidentit tragjik tek shinat e trenit humbi jetën vogëlushja 7 vjeç si dhe Ramazan Ishni, 29-vjeç që po ecte me biçikletë.
Gjithashtu, mbeti e plagosur Valbona Ndreu, si dhe vajza tjetër e mitur. Shtetasja Rozina Koleci, që drejtonte makinën me targë AA071UA, fillimisht përplasi për vdekje shtetasin Ramazan Ishni, i cili ishte duke drejtuar bicikletën ne momentin e aksidentit.
Më pas ka përplasur edhe nënën, Valbona Ndreu, 29 vjeçe me dy vajzat e saj që po kalonin në anën tjetër të rrugës. Makina është përplasur më pas dhe me një furgon të bardhë.
Përpara trupit gjykues ajo është shprehur se gjitha kjo ndodhi si pasojë e futjes së biçikletës në mënyrë të papritur në rrugë dhe se i doli përpara makinës së saj.
“Nuk isha me shpejtësi, në një moment më doli para biçikleta dhe bëra manovër për ta shmangur dhe aty humba kontrollin,” është shprehur ajo.
Burimi: Ballkanweb
