Këngëtari i njohur shqiptar, Jeton Kuçi, ka ndërruar jetë në Bjeshkët e Deçanit ku kishte dalë të shëtiste me motorin e tij.
Sipas burimeve të “Botapress”, Jetoni ishte parë të dielën duke u ngjitur me motor në Bjeshkët e Deçanit, ndërsa lajmi për vdekjen e tij tragjike erdhi vetëm pak orë më pas.
Ai ishte 37 vjeç dhe përveç motoçikletës, kishte pasion edhe muzikën, veçanërisht çiftelinë, pasion të cilin e kujtojnë të gjithë miqtë e tij.
Jetoni ishte i martuar dhe ka tre vajza të vogla. Kohët e fundit ai ishte i angazhuar në dasma dhe kishte fituar shumë popullaritet në muzikën popullore.
Jeton Kuçi ka qenë edhe veteran i Ushtrisë Çlirimtare të Kosovës, i angazhuar për çështjen kombëtare që nga viti 1990.
Deputeti i Kuvendit të Kosovës, Rasim Selmanaj, e quajti ndarjen e tij nga jeta një ngjarje tronditëse, jo vetëm për familjen por për të gjithë bashkë-udhëtarët e shpalljes së pavarësisë së Kosovës.
