Një javë pasi reperi Stresi u shpall hero gjatë një incidenti në një pallat ku kishte rënë zjarri, një tjetër rast i ngjashëm i ka ndodhur kolegut të tij, reperit të njohur Noizy.
Ai ka qenë i pranishëm në momentin që ka ndodhur një aksident gjatë orëve të para të mëngjesit ku edhe i ka dhënë ndihmën e parë familjes së aksidentuar.
Mjekja pediatre, e dalë në pension, Vera Koço u përfshi në një aksident rrugor së bashku me familjen e saj., në autostradën Tiranë-Durrës ku makina e tyre i ka rënë nga pas një kamioni shkruan INTv.al.
Menjëherë pas aksidentit mjekja ka marrë ndihmën e parë nga Noizy i cili ka ndaluar makinën për të ndihmuar të aksidentuarit.
Këtë gjest të reperit e ka pohuar vetë mjekja e cila si pasojë e aksidentit ka pësuar një frakturë në këmbë ndërsa familjarët janë pa lëndime serioze. Ky ishte një rast tepër i rëndësishëm që tregon një tjetër anë të Noizy-t, atë njerëzore dhe gatishmërinë e tij për të ndihmuar personat në nevojë.
