Një aksident i rëndë hekurudhor ka ndodhur mbrëmjen e së dielës në Itali, ku për pasojë 17 persona kanë marrë plagë të rënda. Dy trena janë përplasur në linjën Bologna-Rimini, në zonën Faenza, per shkaqe të cilat ende nuk janë bërë të ditura.
Sipas medieve italiane, të gjithë pasagjerët e ndodhur në trena janë larguar nga vendngjarja dhe janë duke marrë trajtimin e nevojshëm mjekësor.
Aktualisht për fat të mirë nuk raportohet asnjë viktimë edhe pse përplasja siç bëhet me dije ka qenë shumë e fortë.
Kjo është e disata herë që linjat hekurudhore për një pakujdesi të vogël çojnë në aksidente të tilla që në të shumtën e rasteve janë regjistruar edhe viktima.
Një ndër tragjeditë e mëdha të shkaktuara nga përplasja e trenave këtë vit ishte në Larisa të Greqisë, ku në mesin e viktimave ishin edhe disa shqiptarë.
