Ajola Xoxaj dhe bashkëshorti i saj Erion Veliaj janë duke përjetuar një ndër periudhat më të ëmbla të jetës së tyer. Ata së shpejti do të bëhen prindër të një djali dhe këtë lajm zgjodhën ta ndanin me publikun me rastin e festës së fëmijëve më 1 qershor.
Ndërkohë që janë duke pritur që fëmija i tyre të vijë në jetë në muajin shtator, Erioni dhe Ajola na kanë treguar gjithmonë e më shumë se ky fakt i ka tjetërsuar dhe i ka bërë edhe më të ndjeshëm ndaj fëmijëve.
Mirëpo ndërkohë që është duke shijuar shtatzëninë e saj Ajola është bërë nostalgjike dhe ka postuar në Instagram një foto të shumë viteve më parë ku duket shumë ndryshe nga ajo që është sot.
Ajola shfaqet në këtë foto duke mbajtur në dorë disa tullumbace, ndërsa në sy bien flokët e saj brune. Fansat e kanë pëlqyer shumë këtë “look” të Ajolës dhe kanë nxituar ta komplimetojnë duke theksuar se duket shumë seksi në këtë foto.
