Britney Spears ka folur hapur së fundmi për përfshirjen e familjes në karrierën e saj. Ajo ka dalë kundër babait të saj, Jamie Spears, teksa ka folur për të ardhmen e karrierës së saj.
“Shikoni, nuk do të performoj në asnjë skenë këto kohë, sepse babai im vendos si do vishem, çfarë do të them, çfarë do bëj apo mendoj. E kam bërë këtë gjë për 13 vitet e fundit. Më mirë të publikoj video nga dhoma ime e ndenjes se sa në skenat në Vegas.
Dhe nuk do të bëj më grim të rëndë. Nuk do të këndoj më në skenë miksimet e këngëve të mia dhe të lutem që të më vendosin këngët e reja në spektaklin tim për fansat e mi… kështu që unë heq dorë”, është shprehet Spears.
Ajo tregon se nuk i ka pëlqyer aspak fakti që motra e saj vendosi një miksim në vend të këngës së saj origjinale gjatë Icon Award në vitin 2017.
“Nuk më pëlqen që motra ime u shfaq në një spektakël dhe performoi këngët e mia të miskuara! I ashtuquajturi sistem i mbështetjes më ka lënduar thellë. Kjo kujdestari më ka vrarë ëndrrat… kështu që e gjitha çfarë kam është shpresa dhe shpresa është gjëja e vetme në këtë botë që nuk vritet lehtë… edhe pse njerëzit tentojnë ende ta bëjnë”, thotë këngëtarja.
Më në fund, ky është momenti i Britney-t dhe ajo duket sikur po “rilind” edhe njëherë, teksa po merr dalëngadalë kontrollin e jetës së saj.
Në një video në Instagram, Britney shfaqet duke kërcyer dhe tregon për ndjekësit se është e mbushur me shpresë, me dashuri dhe me qëllime për të ardhmen, duke shpërndarë pozitivitet me mesazhin e saj.
View this post on Instagram
