Dy ditë më parë, Serbia u bezdis nga posterat e këngëtares shqiptare me famë botërore, Rita Orës në vendin e tyre.
Ajo ishte zgjedhur si imazhi i disa bizhuterive, mirëpo vendosja e saj në mes të qytetit të Beogradit nuk i pëlqeu aspak vendasve.
Madje, gazeta serbe “Informer” e quajti skandaloz faktin që në vendin e tyre ishte vendosur imazhi i një shqiptareje që mbështet “UÇK-në”.
“Skandaloze! Shqiptarja Rita Ora i qesh Beogradit në fytyrë! Këngëtarja e preferuar e Haradinaj dhe Thaçit në pankartat e kryeqytetit!”- shkruante gazeta serbe.
Shumë qytetarë kërkuan gjatë intervistave që posterat e Ritës të hiqen sa më shpejt të jetë e mundur.
Pas kësaj, Serbia ka marrë vendimin drastik duke hequr posterat e këngëtares tonë.
Sipas “Anabel.al”, media serbe publikoi një shkrim me titullin:
“Informer fiton! Hiqen posterat e shqiptares Rita Ora. Tërhiqet fushata e këngëtares që mbështet kriminelët e UÇK-së.”
“Këngëtarja shqiptare, që mbështet publikisht kriminelët e UÇK-së dhe kërkon krijimin e Shqipërisë së Madhe është hequr nga posterat në qendër të Beogradit dhe nuk do të përdoret më në materialet promovuese të firmës,
Rikujtojmë se këngëtarja, që këndoi në festivitetet e përvjetorit të dhjetë të pavarësisë së shtetit fals kosovar dhe që nuk humbet asnjë shans për të bërë shqiponjën me dy krerë, shfaqet në 27 postera rreth e rrotull Beogradit.”
Drejtuesit e kompanisë dhe departamenti i marketingut vendosën heqjen e posterave dhe përdorimin e një imazhi të ri për fushatën e tyre.
Ndërkohë, Rita Ora s’ka bërë ende asnjë reagim lidhur me këtë ngjarje.
