Ajo është një ndër këngëtaret më të pëlqyera të muzikës popullore shqiptare. Shumë pak e dinë që Mariola Kaçani ka mbaruar Akademinë e Arteve për aktrim.
Midis pasionit për muzikën dhe profesionit si aktore, Mariola ka zgjedhur muzikën. E ftuar në emisionin “Boom” Mariola zbuloi për herë të parë se aktrimi nuk ka qenë një eksperiencë e bukur për të.
“Aktrimi ka qenë në fillim po marr një shkollë afër artit. Kush ishte më bukur? Aktrimi. Javën e parë çfarë kam hequr. Më thoshte Ema Andrea bëj si thes me patate. Shkoja në shtëpi dhe thoja: Do e lë këtë shkollë, atje nuk janë normalë, janë të gjithë të psikiatrisë. Unë të bëj si thes me patate, normalisht duke ardhur dhe nga Vlora më dukeshin anormale.
Dhe kur thotë profesor Alfred Trebicka, ka qenë një pjesë që duhet të sillnim kafshë të ndryshme. Mua më vajti mendja tek kanguri. Bëra një kangur si nga Vlora, asnjë nuk e kuptoi. U thoja studentëve gjejeni, kangur, kangur, kangur.Të tërë më lanë në baltë. Më thotë Fredi: Çfarë ishte kjo moj?Kangur presor. Ou, më tha, nga ishte ky? Të betohem i thashë nga Australia, me ndonjë dalje kështu nga Vlora.”,- tregoi me humor këngëtarja.
