Është bukur të mendosh se të kundërtat tërheqin këdo dhe kjo ndodh edhe me personazhe të njohur të ekranit shqiptar. Shumë prej tyre janë dashuruar me njerëz që nuk i përkasin botës së televizionit, për të vërtetuar se dashuria qëndron mbi famën. Ka mjaft femra të njohura që kanë partnerë jo të famshëm, që bëjnë punë normale dhe shumica e të cilëve as që nuk njihen në publik.
Adelina Ismaili dhe Vali
Në një intervistë, Adelina Ismaili ka pranuar se i ka propozuar e para Valit, në Zvicër, kur këndonte në klubin ku ai ishte pronar:
“I propozova të bëhej menaxheri im. Kur pranoi thashë “Kaq më duhej”. Ishte dashuri me shikim të parë. Ishte hera e parë në jetën time që ndihesha si e paralizuar, që nuk e kontrolloja dot veten siç bëja gjithmonë.”
Adelina thotë se Vali e ka bërë të ndjehet femër. Val Krasniqi ka lindur në Prishtinë, por është larguar në Francë e pastaj në Zvicër që i vogël dhe ka qenë menaxheri artistik i këngëtares. Vali thotë se “takimi i ynë i parë ngjante si një takim mes dy miqve që nuk ishin parë për një kohë shumë të gjatë dhe kishim shumë për të ndarë më njëri-tjetrin.
Soni Malaj dhe Kelvi
Fakti që e dashura është një personazh publik nuk e ka bërë Klevin më të ekspozuar ndaj mediave. Përkundrazi, ai përpiqet që të mos i tërheqë vëmendjen e mediave ndaj Soni Malajt dhe qëndron më tepër në prapaskenë. Dyshja u shfaqen bashkë për herë të parë në dasmën e çiftit Andrra Destani dhe Sinan Hoxha, dhe dukeshin mjaft të lumtur. Tashmë Soni dhe Klevi janë të pandashëm, dhe nuk e fshehin më lidhjen e tyre.
Xhemi Shehu dhe Ervis Sula
Një nga moderatoret më të dashura të ekranit, Xhemi Shehu ka ditur gjithmonë të ruajë me fanatizëm jetën e saj private. Por edhe pse fotot e bukura me dy djemtë e saj nuk ka mundur dot t’i ruajë nga rrjetet sociale, bashkëshortin po. Xhemi gjithmonë e ka mbajtur larg mediave bashkëshortin dhe nuk e ka prezantuar asnjëherë tek publiku. Edhe pse çifti janë parë rrallë herë në publik, askush nuk e di se kush është ky djalë që i ka rrëmbyer asaj zemrën. Ai quhet Ervis Sula dhe është administrator i një shtypshkronje në Tiranë. Biznesmeni është parë rrallë në publik krah moderatores.
Aurela Gaçe dhe Skerdi
Lidhja e Aurela Gaçes me Skerdin, bëri bujë për vetë diferencën e moshës që kishte dyshja. Aq shumë u diskutua saqë Aurela bëri një status për këtë, ku tha se ishte vetëm 2 vjet më e madhe dhe se diferenca nuk kishte asnjë problem për të dhe Skerdin. “Unë jam 2 vjet me e madhe se Skerdi, po merak do te me ngelet gjithë jetën, pse nuk është nja 10 vjet më i vogël. Ta merrja e ta rrisja vete hahahaha. Madje prandaj edhe u martuam, se me ne fund mami i Skerdit me ne fund me pranoi si nuse hahahahaha”, shkruante këngëtarja vlonjate.
Argjentina Ramosaj dhe Dukagjini
Këngëtarja shqiptare publikon shpesh herë foto me bashkëshortin e saj Dukagjin Fetahu. Dyshja jetojnë në Kosovë dhe tashmë janë prindër edhe të një vogëlushi. Ata duken më të lumtur se kurrë, teksa publikojnë vazhdimisht foto pranë njëri-tjetrit duke ndarë puthje dhe përqafime.
Juliana Pasha dhe Altin Llakaj
Këngëtarja Juliana Pasha është kujdesur që të mbajë jashtë vëmendjes së publikut jetën e saj private. Por, për ata që nuk e dinë, këngëtarja e njohur është e martuar me një muzikant, më saktësisht me kitaristin Altin Llakaj. Çifti janë vazhdimisht në shoqërinë e njëri-tjetrit, pasi veç shtëpisë ndajnë edhe punën, meqë Altini është pjesë e orkestrës që shoqëron gjatë performancave live këngëtaren. Sidoqoftë, çastet e tyre intime, përqafimet dhe puthjet e ngrohta i kemi parë rrallë në rrjetet sociale.
Rozana Radi dhe Shpëtim Karakushi
Këngëtarja Rozana Radi ka qenë gjithnjë e rezervuar rreth jetës së saj sentimentale. Prej më shumë se 3 vitesh ajo është përfolur për një lidhje me një oficer të Prokurorisë së Tiranës, ndërsa ka ardhur koha që ajo t’u japë fund thashethemeve dhe ta gëzojë lidhjen e saj edhe në publik. Këngëtarja është fotografuar këtë verë gjatë pushimeve të saj në plazh, së bashku me Shpëtim Karakushin, të dashurin e saj prej 4 vitesh. Mesa duket, pas lidhjes me MC Kresha, tashmë jeta sentimentale e Radit është e stabilizuar, ndërkohë që shijon dashurinë me Shpëtimin, oficerin gjyqësor në Prokurorinë e Tiranës.
Alketa Vejsiu dhe Ardiani
Kjo është edhe fotoja e parë me të cilën është fotografuar ҫifti dhe e vetmja deri në këto momente. Alketa e ka mbajtur për vete jetën e saj private dhe nuk ka dashur ta bëjë asnjëherë publik bashkëshortin Ardian. Ajo ka insistuar deri në momentin e fundit për të ruajtur privatësinë edhe në ditën e martesës. Nga ditët kur shkonte fshehurazi për të zgjedhur fustanin e bardhë e deri në natën kur do të vinte kurorën, nën masa të larta të fshehtësisë, që përfshinin edhe punësimin e tetë badigardëve të firmës që siguron mbretin Leka Zogu. Ardiani është një biznesmen dhe ka një nga firmat më të njohura të ndërtimit në Tiranë.
