A keni qenë ndonjëherë në një lidhje që ka marrë fund papritur dhe nuk e keni kuptuar ende ku çaloi!
Ndoshta nëse një lidhje merr fund nuk është fundi i botës, por sikur të mos të të ecë as me tjetrën dhe as tjetrën pas saj e kështu me radhë, çfarë do të bëje?
Seriali që kemi përzgjedhur sot titullohet “High Fidelity” dhe është një rikrijim i filmit të vitit 2000 i bazuar në romanin e Nick Hornby 1995, në të cilin John Cusack luan rolin e një pronari të një dyqani që shet disqe muzike, dhe kërkon të harrojë të kaluarën dhe ish-in e tij.
Vetëm se në serialin e ri të 2020-s, John luhet nga një femër dhe ajo është e famshmja Zoë Kravitz, vajza e Lenny Kravitz.
Si nis historia!
Rob (shkurt për Robin) sapo i ka dhënë fund lidhjes së saj me të fejuarin Mac (Kingsley Ben-Adir) dhe i është thyer zemra. Kur ai rikthehet në qytet, Rob nis të reflektojë pse romancat e saj gjithmonë shkojnë drejt fundit.
Ajo nis të analizojë pesë lidhjet më domethënëse në jetën e saj që kanë përfunduar dhe do të kuptojë se çfarë bëri gabim në secilën si dhe pse jo, të mundohet të ndreqë njërën prej tyre. Deri tani e dimë se ajo ka 5 mundësi! Kush është në krye të listës, si dhe zemrës se Rob? Këtë do ta zbulojmë në vijim!
Rob është një adhuruese e muzikës pop, vishet me stil, ka një dyqan në dukje të suksesshëm ku ka punësuar dy miqtë e saj më të mirë, një apartament në Brooklyn dhe shqetësimi i saj më i madh është fiksimi me partnerin me të cilin u nda një vit më parë, Mac.
Por krijueset e serialit Veronica West Sarah Kucserka i kanë dhënë personazhit kryesor një alternative të denjë për fiksimin me ish-in e saj.
Përveç shkëmbimit të gjinisë, që në episodin e parë, Rob shkon në një takim me Clyde dhe vendos t’i japë atij një shans, që rritet dhe zhvillohet në një situatë takimesh rastësore edhe pse është e qartë që Clyde dëshiron të ketë diçka më shumë me të.
Pavarësisht se Clyde nuk ia mbush syrin Robin, ne shpresojmë që të jetë ai që t’i fitojë zemrën asaj, pavarësisht fiksimit të saj të madh me ish-të fejuarin Mac.
https://www.instagram.com/p/B8hwBOepwxN/
Versioni femër akoma më interesant!
Versioni femër i saj e bën akoma më interesant subjektin. Një grua me ngjyrë që kërkon të zbulojë se si ka mbetur vetëm në të 30-at, duke analizuar 5 lidhjet e saj të mëparshme, njëra prej të cilave ka qenë me një femër.
Gjinia dhe përkatësia etnike e Robit, kanë një rëndësi të veçantë sepse kultura muzikore ka qenë e dominuar historikisht nga perspektivat e meshkujve të bardhë.
Rob njësoj si Cusack ka frikë të përkushtohet në një lidhje dhe është fiksuar në të kaluarën. Ajo përfshihet edhe në një lidhje me një muzikant seksi, dhe kjo e bën akoma më interesant filmin duke qenë se nëna e saj e vërtetë, Lisa Bonet, ishte muzikantja seksi me të cilën Cusack kishte një lidhje në film.
Por ndryshe nga Cusack, Kravitz si versioni femër i Rob ka mendimet e saj dhe mezi pret t’ju tregojë pse! Ajo është më pak gjykuese dhe më pak imponuese, ndoshta sepse gratë thjesht dinë të komunikojnë më mirë.
https://www.instagram.com/p/B8wftVfp30d/
Të shohësh analizat e saj mbi lidhjet dhe rrëmuja që krijohet aty, të bën të kuptosh se edhe femrave ju lejohet që të jenë po aq të çrregullta, që të veprojnë pa vetëdije dhe po aq egocentrike sa meshkujt!
https://www.instagram.com/p/B8rofJeJMCl/
