Bradley Cooper, partnerja e tij Irina Shayk dhe vajza e tyre Lea, u fotografuan dje në New York, me siguri për të festuar filmin më të ri të aktorit, “A Star is born”.
Gjithçka dukej në rregull, deri kur portali “Page Six” raportoi se çifti ka me muaj të tërë që ka probleme dhe nuk po shkon mirë.
Media raporton se diferencat që ekzistojnë mes aktorit 43-vjeçar dhe modeles 32-vjeçare, tashmë kanë filluar të ndihen dhe të ndikojnë në lidhjen e tyre.
“Ai nuk pi pije alkoolike dhe po ndjek një regjim spiritual, ndërsa ajo do që të dalë”.
Irina madje raportohet se ka shkuar në Ibiza vetëm, për të bërë qejf, pa bashkëshortin dhe vajzën, por e shoqëruar nga fotografët Mert Alas dhe Marcus Piggott.
Një tjetër burim tha për median, se çifti ishin parë shumë larg njëri-tjetrit në një festë në New York së fundi:
“Ata gati nuk flisnin me njëri-tjetrin dhe nuk ishin fare të lumtur”.
