Bella Hadid ka rrëfyer më herët se ajo vuan nga një sëmundje autoimune dhe së fundmi ka treguar se çfarë do të thotë të jetosh me të. Modelja ka postuar në rrjete sociale disa foto të saj në Instagram, ku teksa shihet duke u bërë gati për një projekt merr mjekimin me infuzion.
“Duke jetuar me disa sëmundje kronike autoimune = gjithmonë duke gjetur kohë për infuzionin”, shkroi Bella përkrah fotove.
View this post on Instagram
Modelja u diagnostikua me sëmundjen e njohur si “Lyme” në vitin 2012 bashkë me vëllain e saj, Anwar Hadid, dhe nënën e tyre, Yolanda. Ky problem shëndetësor renditet si infeksioni më i përhapur në SHBA, pas Hiv Aids dhe kushtëzon jetën e shumë njerëzve. Kjo sëmundje shoqërohet me dhimbje kyçesh, probleme në zemër dhe është shumë e vështirë për t’u diagnostikuar.
Më herët Bella ka rrëfyer në një intervistë se çdo të thotë të jetosh me këtë sëmundje.
“Jeta nuk është gjithmonë ashtu siç duket nga jashtë dhe pjesa më e vështirë e rrugëtimit është se gjykohesh nga mënyra se si dukesh në vend që të gjykohesh nga mënyra si ndihesh”, është shprehur Bella.
Ndërsa nëna e saj ka rrëfyer se për shkak të kësaj sëmundje ka ditë që fle nga 12 orë dhe nuk mund të ngrohet nga krevati, e ndjen ankth. Pjesa më e madhe e simptomave të kësaj sëmundje nuk mund të vihen re nga jashtë, por kushdo që vuan prej saj i ndjen shumë përbrenda.
