Në korrik të vitit 2018, këngëtarja Xhensila Myrtezaj dhe partneri i saj, aktori Bes Kallaku, u bënë prindër për herë të parë.
Çifti u bekua me një vajzë të cilën e pagëzuan me emrin super të veçantë, Ajka, si pjesa më e mirë e jetës së tyre.
Ajka ka ndryshuar totalisht jetën e mamit dhe të babit dhe është bërë gjithashtu personazhi kryesor në llogaritë e tyre në rrjete sociale.
Sot, Xhensila dhe Ajka kanë shijuar me njëra-tjetrën rrezet e ngrohta të diellit në plazh, teksa kanë luajtur me rërë e kanë biseduar si dy shoqe.
E vogla bën sikur gatuan me tiganin në rërë, ndërsa i sugjeron të ëmës të bëjë një smoothie me majdanoz.
Gjithashtu, kur ulet në lokal dhe kamarieri vjen për porosinë, Ajka porosit një kafe me sheqer, ndërsa videot na shkrinë së qeshuri.
Disa ditë më parë Besi, Xhensila dhe Ajka na falën videoklipin më të bukur të fundvitit. Ata shfaqeshin duke luajtur e duke përkëdhelur njëri-tjetrin, duke gatuar e duke u përqafuar së bashku, ndërsa gëzimi lexohej qartë në sytë e tyre.
Ky është ndër rastet e rralla kur ata tregojnë edhe portretin e të voglës së tyre Ajkës.
Si Besi, ashtu edhe Xhensila, kanë ndarë në llogaritë e tyre të njëjtën video, duke shkruar ndjesitë e tyre më të sinqerta.
View this post on Instagram
