Kur bëhet fjalë për autizmin, diagnoza e hershme është çelësi për ndërhyrje dhe mbështetje efektive.
Tashmë, një sistem i sapokrijuar i inteligjencës artificiale (AI) zbulohet se ka aftësinë për të diagnostikuar fëmijët me autizëm midis moshës 24 dhe 48 muajsh me një normë prej 98.5 për qind saktësi.
Inovacioni përdor një proces që kategorizon skanimet me tensor të difuzionit MRI (DT-MRI) të trurit, i cili i referohet një teknologjie të specializuar që zbulon se si uji lëviz përgjatë trakteve të lëndës së bardhë në organin trupor.
Për të thënë më thjeshtë, DT-MRI identifikon disa simptoma që kanë fëmijët me autizëm, si sjelljet e përsëritura dhe komunikimi. Kjo metodë u provua tek 226 fëmijë të moshës 24 deri në 48 muaj, 126 që ishin autikë dhe 100 që nuk ishin.
Përveç sigurimit të diagnozës së hershme, sistemi i ri do të ulë kohën dhe shpenzimet e diagnostikimit dhe trajtimit duke gjeneruar një raport që përfshin informacionin se cilat qarqe nervore të trurit janë prekur dhe ndikimin e pritur në funksionalitetin e trurit.
