Emily Ratajkowski është tashmë në qendër të vëmendjes, që pas ndarjes nga ish-partneri Sebastian Bear-McClard.
Ky i fundit thuhet se e ka tradhtuar shumë herë, raste të cilat Emily i ka zbuluar vetëm së fundmi. Ndaj marrëdhënia e çiftit që kanë edhe një djalë së bashku ka marrë fund.
Burime pranë Sebastian tregojnë se ai është i dëshpëruar dhe i ka kërkuar disa herë rikthim nënës së djalit të tij.
Ç’qëndrim mban Emily për këtë? Ka dërguar në Gjykatë letrat e divorcit! Për modelen duket se gjithçka ka marrë fund dhe nuk ka ndërmend ta falë tradhtinë.
Ajo ka kërkuar të ndahet ligjërisht nga ish-partneri i saj dhe të vazhdojë një “epokë” të re si mama single.
Madje, lart e poshtë qarkullojnë fjalë se ajo është parë shpesh në shoqërinë e aktorit të famshëm Brad Pitt.
Ata e kanë shoqëruar njëri-tjetrin në vende të ndryshme dhe burimet thonë se janë në njohje e sipër. S’do të ishte çudi sikur në një të ardhme t’i shihnim çift, duke qenë se edhe Brad Pitt është single.
Modelja është shumë e kërkuar nga meshkujt në mbarë botën, ndaj njerëzit besojnë se s’do të jetë aspak e vështirë për Emily-n ta zëvëndësojë Sebastian Bear-McClard.
