Ish e dashura e Cristiano Ronaldos, Jasmine Lennard fshiu llogarinë e saj në Twitter, pasi akuzoi futbollistin e famshëm në botë se e kishte kërcënuar me video dhe foto pornografike.
Modelja 33 vjeçare tha se ai e kishte pyetur nëse ajo do të donte që ai t’ja dërgonte fotot e zhveshura tek i ati.
Ajo gjithashtu pretendon se ka regjistrime të Ronaldo-s ku dëgjohet teksa jep mendimin e tij për gratë, homoseksualët dhe yllin pop britanik Tulisa, por zëri i dëgjuar në regjistrim nuk është aspak i qartë dhe nuk kuptohet nëse është i tij.
Më tej ajo ka thënë se Cristiano e ka bezdisur vazhdimisht në 18 muajt e fundit, por ajo i’a ka bërë të qartë se nuk do që të jetë dashnorja e tij.
Këtë mëngjes llogaria e Lennard në Twitter u mbyll dhe kërcënimet e saj për futbollistin u fshinë. Ekipi i avokatëve të Ronaldos tha se është alarmuar për serinë e akuzave të rreme dhe shpifëse të bëra kundër futbollistit portugez.
Jasmine është vajza e një milioneri dhe thuhet se është gati të paraqesë një kërkesë ligjore kundër yllit të futbollit në Londër javën e ardhshme dhe llogarinë në Twitter e ka fshirë për shkak të kërcënimeve nga Ronaldo, raporton “Daily Mail”.
Një zëdhënës i Ronaldos tha sot: “Z. Ronaldo nuk ka asnjë kujtesë specifike për takimin me zonjën Lennard 10 vjet më parë ose në çdo moment. Ai nuk ka pasur marrëdhënie me të dhe nuk ka pasur ndonjë kontakt me të, qoftë gjatë 18 muajve të fundit siç sugjeron znj. Lennard. Regjistrimet e zërit të publikura nga zonja Lennard në mediat sociale nuk janë nga z. Ronaldo dhe ai do të ndërmarrë veprimet e duhura ligjore në kohën e duhur për këtë”.
Lennard më parë e kishte quajtur Ronaldo-n një psikopat dhe u zotua të zbulonte publikisht natyrën e tij të vërtetë.
