Të jesh zonja e parë e një vendi në luftë është padyshim një detyrë e vështirë. Teksa ishte pjesë e “British Vogue”, Olena Zelenska ka rrëfyer më shumë për jetën e saj dhe se si u takua me bashkëshortin e saj, Volodymyr Zelensky.
Çifti u takua kur ishin në shkollën e mesme në qytetin e tyre të lindjes, Kryvyi Rih, një qytet industrial në Ukrainën juglindore. Kur ata filluan të takoheshin, nuk ishte dashuri me shikim të parë. Ai fillimisht u tërhoq nga vështrimet e saj: “Ti shikon sytë dhe buzët e dikujt,” shpjegoi Olena. Pastaj ata filluan të flasin dhe të bien në dashuri.
Por që kur Rusia pushtoi Ukrainën më 24 shkurt, Zelenska papritmas e gjeti veten në qendër të një tragjedie. .” Ajo që e frymëzon atë, janë bashkëkombësit e saj ukrainas.
“Këta kanë qenë muajt më të tmerrshëm të jetës sime dhe të çdo ukrainasi. Sinqerisht, nuk mendoj se askush është i vetëdijshëm se si ia kemi dalë emocionalisht. Ne presim fitoren. Nuk kemi dyshim se do të fitojmë. Dhe kjo është ajo që na bën të ecim para”- u shpreh Olena.
Ajo ka rrëfyer se të ishte zonja e parë nuk është një rol që ka dashur të luajë ndonjëherë. Për të mbrojtur jetën e tyre familjare, ajo nuk ka dashur që ai të kandidonte për president.
“Më pëlqen të jem në prapaskenë, më shkonte. Të kaloja në qendër të vëmendjes ishte mjaft e vështirë për mua.”
Për një kohë Zelenska nuk ishte në gjendje të komunikonte me të shoqin, apo me prindërit e saj. Para luftës, ajo fliste me nënën e saj në telefon çdo ditë. Presidenti nuk ka mundur t’i shohë ende fëmijët, për arsye sigurie.
“Ai e ka shumë të vështirë në këtë drejtim. Ai vuan. Dhe pastaj fëmijët e mi po ashtu, sepse ata nuk mund ta shohin njëri-tjetrin”- tha ajo.
Rreth 9 milionë ukrainas janë larguar nga vendi që nga fillimi i luftës, shumica prej tyre gra dhe fëmijë. Burrat nga mosha 18 deri në 60 vjeç duhet të qëndrojnë dhe të inkurajohen të shërbejnë në forcat e mbrojtjes. Rreth 5,000 civilë ukrainas kanë vdekur, ndoshta më shumë, dhe në kulmin e luftimeve administrata vlerësoi se po humbte 200 ushtarë në ditë.
