Drake lançoi albumin e tij të gjashtë “Certified Lover Boy” në shtator 2021, i cili vazhdoi të qëndronte numrin 1 në “Billboard 200”, për një kohë të gjatë.
Së fundmi reperi është parë duke dalë nga një studio regjistrimi në Los Angeles dhe ne të gjithë e dimë se çfarë do të thotë kjo, apo jo? Muzikë e re!
Këto foto të Drake, vijnë një javë pasi ish e dashura e tij Rihanna njoftoi se po pret fëmijën e parë me të dashurin e saj aktual A$AP Rocky.
Drake doli nga studioja me një laptop nën krah, i veshur me një këmishë të bardhë me kopsa dhe pantallona të zeza.
Ai dukej disi i shpërqendruar, ndërkohë që ishte i shoqëruar nga dy burra të tjerë. Nuk dihet nëse Drake është prekur emocionalisht nga lajmi i shtatzënisë së Rihanna-s.
Kanë kaluar më shumë se pesë vjet që kur ata i dhanë fund përfundimisht romancës së tyre.
Drake dhe RiRi u takuan për herë të parë në vitin 2005, dhe dyshja vazhduan të ndanin skenën së bashku. Romanca e tyre nisi në vitin 2009.
Rikujtojmë se Rihanna zbuloi se është shtatzënë për herë të parë, me një seri fotosh të ëmbla të realizuara në New York gjatë fundjavës.
Fotot me barkun e rrumbullakosur erdhën pasi fansat kishin spekuluar për muaj të tërë se Rihanna ishte shtatzënë.
Rihanna dhe A$AP Rocky njihen për gati një dekadë, por marrëdhënia e tyre nuk u kthye në romantike deri në vitin 2020.
