Martesa e Nick Jonas me Priyanka Chopra-n bëri bujë të madhe dhe u kthye në kryefjalën e të gjitha mediave. Dasma me motive popullore nga të dyja kulturat e çiftit tërhoqi vëmendjen e të gjithëve, ndërsa së fundmi çdokush ka pritur lajmin se Priyanka po pret një bebush.
Megjithatë, është e kotë të presim për këto lajme, pasi çifti nuk ka ende ndërmend të bëhet me fëmijë.Sipas “Entertainment Tonight”, burime pranë Nick dhe Priyanka-s kanë treguar se çifti mendon se fëmija është një preukopim i madh për momentin.
“Nick dhe Priyanka duan të kenë një fëmijë, por momentalisht nuk është një prioritet. Të dy janë shumë të zënë dhe tani ribashkimi i “Jonas Brothers” ka shtuar akoma më shumë punë për to.”- ka treguar burimi.
Pavarësisht kësaj, dashuria e tyre është shumë e fortë dhe Priyanka është kthyer në muzë frymëzimi për albumin e ri të Nick.
Gjatë karantinës, ata kanë qëndruar të ndarë për shkak të planeve të ndryshme në punë, ndaj duke i ndjerë mungesën partneres, këngëtari është ulur të shkruajë dhe ka kuptuar se ka realizuar një album!
“Ajo ngeci në Gjermani prej xhirimeve të një filmi, ndërsa unë isha këtu dhe kisha mall. Nisa të shkruaj dhe brenda pak ditësh kuptova që kisha realizuar një album”, rrëfeu Nick.
E ku ka më bukur!
