Agron Llakaj më në fund i është përgjigjur juristes Eni Çobani, e cila e quajti imitimin e saj në “Al Pazar” sikur “po i jep të hajë bukë”.
Në emisionin që transmetohet në Vizion Plus, Agron Llakaj ka pasur një pjesë të titulluar “Në gjyq me Lirën”. Çobani nuk e fshehu dot indinjatën dhe pakënaqësinë që ajo ka ndaj këtij imitimi, i cili siç thotë ajo i ka shpërfytyruar figurën e saj.
“I kam thënë më fal unë vetëm një gjë më vjen mirë që atij njeriu po i jap të drejtën që të hajë bukë” tha Çobani pak kohë më parë.
Por ditën e sotme, Llakaj shpjegoi se ai personazh nuk është Eni, por një personazh i përzgjedhur nga ekranet, ku disa gura bashkë kanë krijuar një personazh si Lira.
“Unë me komente nuk merrem, por kam dëgjuar se ka thënë se Agron Llakaj ushqehet me mua. Por në qoftë se ka një pjesë banale te Ardit Gjebrea është pikërisht gjyqi i Eni Çobanit. Dhe si të tillë unë e kam marrë gjetje për të demaskuar këtë lloj gjyqi, pasi ajo mund të jetë një avokate e së drejtës, por ajo është një banalitet. Dhe duke u nisur nga popull kështu si jemi ne, që i ka sytë te ekrani për punë dhe për të ardhme, këtë do ta quaja banalitet, varfëri shpirtërore e njerëzve që nuk kuptojnë se ç’do të thotë të ndërtosh të ardhmen”, u shpreh Agroni i ftuar në NRG Radio.
