Aktorja i njohur ukrainase e filmit dhe teatrit Oksana Shvets ka vdekur në një sulm me raketa ruse në një ndërtesë banimi në Kiev, Ukrainë. Ajo ishte 67-vjeç.
Vdekja e saj u njoftua nga “Teatri i Ri”, ku Shvets ishte anëtare e trupës që nga viti 1980. “Pikëllim i i jashtëzakonshëm në familjen e ‘Teatrit të Ri’”, ka shpërndarë grupi në një postim në Facebook. “Kujtim i ndritshëm për aktoren e talentuar. Nuk ka falje për armikun që ka ardhur në tokën tonë.”
Edhe gazeta në gjuhën angleze “Kyiv Post” konfirmoi vdekjen e saj, duke thënë se ajo ishte “vrarë në Kiev gjatë luftës”.
Oksana ishte një veterane e skenës dhe ekranit për dekada në Ukrainë dhe kishte fituar një sërë vlerësimesh kryesore të vendit. Ajo ishte marrëse e një çmimi Artist i Merituar i Ukrainës, një nga nderimet më të larta të Ukrainës për artin skenik.
Ajo lindi në 1955, studioi teatër në Teatrin Ivan Franko dhe Institutin Shtetëror të Arteve Teatrore në Kiev.
Përveç punës së saj skenike, Shvets luajti gjithashtu në filma të ndryshëm ukrainas, duke përfshirë “Sekreti i Shën Patrikut”, “Kthimi i Mukhtarit” dhe shfaqjen televizive “Shtëpia me zambakë”.
Oksana është një nga një sërë figurash të profilit të lartë që kanë vdekur gjatë pushtimit rus. Para saj, aktori Pasha Lee u raportua i vdekur në fillim të këtij muaji.
