Projekti i fundit i Agon Amigës, kënga “Ska faj” ka rezultuar shumë e suksesshme, por ‘injorimi’ që Getoari i ka bërë duke mos shpërndarë këngën e tij në rrjetet sociale, ka ngjallur dyshime për një krisje të raportit mes tyre.
Sa i përket kësaj pjese, Agoni ka thënë se nuk ka diçka të tillë, dhe se ata vazhdojnë të jenë shokë duke punuar fuqishëm për BabaStars. Sipas tij nuk ka rëndësi nëse Geti e shpërndan apo jo këngën, ata janë një dhe zgjedhja është personale.
E vërteta e vetme është se Agoni dhe Geti nuk i kanë prishur raportet dhe se po të kishte diçka të tillë do ta tregonin publikisht. Kujtojmë se Agoni muaj më parë e fshiu pjesën ku thuhej se ishte pjesë e BabaStars, duke e rikthyer atë përsëri.
